Mizo Idol vanga lar ta, C Lalthleng-liana chuan January ni 21, 2009 khan a nupui a then fel a, Mathlenga nupui, Mabiaki hi makin a chhuak a ni. Heng thute hi nitin chanchin lamah kan hmu tawh a, Mathlenga tawngkam te pawh kan hmu tawh bawk.
He mite pahnih hi tunhma chuan nupa hlim thei em em leh inkawmngeih tak an ni. Kum 7 dawn an innei tawh a, fa pawh mipa 2 an nei hman bawk a ni. Mathlenga te nupa inthenna thu ah hian thu puarpawleng tam tak a awm a, Mathlenga demtu an awm teuh laiin an nu zawk demtu pawh an tam tho bawk. Mi nupa kar tak tak hriat a ni lo va, tu2018antitu2019 tih nazawng hi a pawmawm ber lo fo. Engpawh nise, an inthen chhan bulpui ber chu Mathlenga lar tak vang a ni phawt. Mathlenga chuan a nupui then chhanah, tu201CMiin min lawmna te hi a pawm thei lova, phone call a chhan te hian tu2018min be duh lotu2019 tih leh dah a rual nghal fo thin.
A dinhmun hi ka hriatthiampui, mahse ka chungah leh Fans te chungah that a chhuah thei lo hi hrehawm ka ti thin,tu201D a ti. Hetiang a nih avang hian an nupa karah harsatna a len phah zel a, an dinhmun dik tak hre chiang lo chuan an dem viau pawh a ring niin a sawi. A sawi zel danin, an din hmun dik tak hre chiangtute chuan Mathlenga chu an dem lutuk a rin loh thu a sawi bawk. tu201CFa 2 lai kan nei tawh a, mi tihlungawi loh hlau chi ka ni a, ka nunphung leh kan nu mizia hi a inanglo bawk nen, hetianga kan lo lar takah chuan zai a min sawmtu an tam a, a changin kar hnih dawn kan zin bo a tul a, tawngkam tha ka dawng khat hle a ni,tu201D a ti bawk.
Mathlenga hi tun hma atang tawhin zai thiam tak a ni a, zai a ngaina bawk a, langsar tham si lova lawmman lakte pawh a nei nual tawh nghe nghe. Tlangval fel, kohhran mi, ruihtheih thil pawh ti ngai lo mi a ni bawk. Bible Society zaipawl-ah telin a phak tawkah rawngbawltu hnung zuiin a lo feh chhuak ve tawh bawk thin. Amaherawhchu, milar a lo nih hnuah chuan mi pawimawh tak tak zuiin zu te a in chho ta a, a nun pawh a inthlak danglam ta hle a ni. Mathlenga hian tunah hian tu2018Vanramtlafualtu2019 album siam a tum a, hun rei vak loah chuan a peih thei tura ngaih a nih rualin hlawhtlin taka a hralh ngei pawh a rinawm. Mathleng hian a fate pahnih a kawl a, a fate a kawl chhan hi a nu leh pa ten an ui beh vang a ni pakhat a, an nu, Mabiaki kha nu leh pa kara awm a nih chiah loh vang a ni bawk. An nu chhuak ta hi koh tumna a nei rih lo bawk a ni. Nupui dang nei tur thangin a thang bawk a, heng thute erawh hi chu dawt thu mai mai a ni. Tun dinhmunah chuan nupui dang neih lam pawh a lang chuang lo niin a sawi.
Tunge Mabiaki.. Enge a sawi ve? Mathlenga nupui then tak, Vanlalbiaki @ Mabiaki hi zaimi ve bawk a ni a, kum 2001 khan AIR Artiste a lo tling daih tawh a ni. Kum 2004 khan DDK-ah pawh a zai a lo thun tawh bawk. Tin, K|P Conference-ah pawh a lo zai ve tawh bawk a, rimawi khawvel-ah hian sulhnu a lo nei ve thluah tawh a nih chu. Mizo Idol thlan hmasak tum pawh khan top 50 round a thleng a, tun tumah pawh hian 3rd Round (Top 50) atangin a hmel kan hmu dawn a ni. Tunah hian a inbuatsaih nasa tawh hle a ni. Mathlenga nena an inthenna chungchang zawhna chhangin Mabiaki chuan, tu201CHmeichhia kan zak thei lo lutuk, pawmlai nei pawh engmah kan ngai tawh lo a nih hi. Kan pa hi an zar nasa lutuk a, kan inah an lo leng a, thenkhat chu an a bik lem lo,
keimah min kawmngeih zawk te pawh an awm. Phone hmanga rawn beiseitu leh ka awmlai pawh pawisa lova Mathlengatu2019n a chhanglet thin ka hriat hian na ka ti.
Tin, kan inthenna ah hian kei pawh ka thiam lo a ni, ka thikthu a chhe lutuk a. Chubakah ka zep lem lo tawngkam tha hi ka tlachham ve bawk a nitu201D tiin kan palai a hrilh. Mathlenga hian programme a ngah hle a, inah a awm tam lo, a hman chang pawhin lenvah nuam ti chi a ni a, inah a awm ngai meuh a lo niin Mabiaki hian a sawi. tu201CTin, a lenchhuah dawn leh a zin dawn apiangin Condom ka paitir ziah thin. Hei hi ka rinhlelh vang ni lovin, zartu an tam si a, loh theih loh thila a inven zawh loh ni a thlen ka hlauh vang zawk a nitu201D. Mathlenga hi hmeichhe mi viau leh ngaihzawng neiin an sawi a..? Thil sawi chhuah hi nuam ka ti chiah lo a, lerh deuh leh hmeichhe hrang hrang kawp vak vak anga an sawi hi dawt a ni a, kawp ngheh deuh pakhat chu a nei alawm, mahse.. an inneih ka ring chuang lo. Mathlenga khan ka zin tur leh haw lamah ka thawmhnaw..min ngaihsak lo a tih hi? A kekawrte awmna takngial pawh hrelo a ni a, hei em em hi chu ni bik lo ve.
Mathlengatu2019n SEX video a siam an tih hi? (Mabiaki chu a nuih a za hle a) tu201CTeuh lo lutuk, sex video siam tur khawpin a tu2018atu2019 lo tih ka hre chiang. Kan nupa pawhin kan sawi thin a, kan nui vel mai mai zawk thin. Mathlenga hian ko leh ta che se la, i haw leh nghal duh angetu2019m? Fate hmangaihna hi a thuk lutuk a, kei pawhin ka fate ka ngaihtuah hian an fahrah tur.. ka ngai ngam lo. Mahse.. min koh duh ka ring rih lo. Dik tak chuan Mathlenga hi ka hmangaih a ni, kum 7 dawn lai kan innei tawh a, tunhma in harsatna engmah kan tawk ngai lo, nupa hlim thei em em kan ni thin. Mahse, kan inthen hnu a tawngkam a nei fo hi chu tha ka ti lo. Kei chuan, a hmingchhiat theihna tur engmah ka ti lo ang, ka ti thei lo. Mathlenga chungah hian rilru chhia ka pu thei lo a ni. Tunah pawh album release a tum hnai tawh a, he album hi tha takin hralh sela, in leh lo tha zawkte din thei se ka duh sak tak zet a ni. Mabiaki hi Zonet Mizo Idol, 2009 thlanna ah hian Serial No. 88 a ni a, Top 50 atangin intihsiakna atangin a hmel kan hmu ang.
